ملک کے مختلف علاقوں میں تیز ہواؤں اورگرج چمک کے ساتھ بارش کا امکان ہے: محکمہ موسمیات

سلام آباد (اخبارتازہ ترین - اے پی پی۔ 25 جولائی2020ء) ملک کے مختلف علاقوں میں تیز ہوائوں اورگرج چمک کے ساتھ بارش کا امکان ہے جبکہ ملک کے دیگر علاقوں میں موسم گرم اور مرطوب رہے گا۔ محکمہ موسمیات کے مطابق آج اتوار کے روز با لا ئی خیبر پختو نخوا، خطہ پوٹھوہار، مشرقی بلوچستان، جنوبی پنجاب ، زیریں سندھ، کشمیراور ملحقہ پہاڑی علاقوں میں تیز ہوائوں اورگرج چمک کے ساتھ بارش کا امکان ہے۔

ملک کے دیگر علاقوں میں موسم گرم اور مرطوب رہے گا۔گذشتہ 24 گھنٹے کے دوران اسلامآباد، خیبر پختونخوا ، پنجاب ، شمال مشرقی بلوچستان اور کشمیر میں گرج چمک کے ساتھ بارش ہوئی۔ملک کے دیگر علاقوں میں موسم گرم اور مرطوب رہا۔سب سے زیادہ بارش پنجاب میں راولپنڈی ( چکلالہ 48،شمس آباد 38)، اسلام آباد( زیرو پوائینٹ 40، گولڑہ 15، بوکرہ 14، سید پور10،ائیر پورٹ ٹریس)،جہلم 29، مری 10،بہاولپور ائیر پورٹ 01، کشمیر میں گڑھی دوپٹہ 23، کوٹلی 18،راولاکوٹ 05، مظفر ا?باد (سٹی 02، ائیر پورٹ ٹریس)، خیبرپختونخوا میں سیدو شریف 20، با لائی دیر 18، کاکول13، مالم جبہ 09، بالاکوٹ 06، بلوچستان میں پنجگور 08اورسبی میں 06 ملی میٹر بارش ریکارڈکی گئی۔

اس دوران ملک میں زیادہ سے زیادہ درجہ حرارت نوکنڈی 46،سبی اورشہید بینظیر ا?باد 43ڈگری سینٹی گریڈ ریکارڈ کیا گیا۔