گھر میں گرنے کے بعد مولانا طارق جمیل کے چہرے پر چوٹیں لگ گئی، حالت تشویشناک

میری استاد محترم مولانا طارق جمیل صاحب سے بات ہوئی ہے،گرنے کی وجہ سے 2گھنٹے تک خون بہا،استاد جی کی طبعیت انتہائی ناساز ہے، میری تمام امت مسلمہ سے درخواست ہے کہ ان کی صحت کے لئے دعا کریں، مولانا عمران بشیر

                                         

 لاہور تازہ ترین اخبار-02جون-2020ء پاکستان کے معروف

مذہبی سکالر مولانا طارق جمیل اپنے گھر میں گر پڑے اور ان کے چہرے پرچوٹیں لگ گئی ہیں۔ تفصیلات کے مطابق وہ بلڈ پریشر کم ہونے کی وجہ سے گر پڑے تھے جس کے بعد ان کا چہرہ زخمی ہونے کی اطلاعات ہیں۔ اس حوالے سے ان کے تبلیغی ساتھی مولانا عمران بشیر نے بھی ٹویٹر پیغام میں اس بات کی تصدیق کی ہے کہ مولانا طارق جمیل اپنے گھر میں گر کر زخمی ہو گئے ہیں۔

پیغام جاری کرتے ہوئے ان کا کہنا تھا کہ میری ابھی مولانا طارق جمیل صاحب سے ٹیلیفون پر بات ہوئی ہے، گرنے کی وجہ سے ان کو چوٹ آئی ہے جس کے بعد 2 گھنٹے تک ان کا خون بہتا رہا ہے۔ مولانا عمران بشیر نے اس موقع پر امت مسلمہ سے دعا کی اپیل ہے۔ ان کا کہنا تھا کہ مولانا کی طبیعت تشویشناک ہے، میری تمام امت مسلمہ سے درخواست ہے کہ ان کی صحت کے لئے دعا کریں۔