دلچسپ حکایات مولانا روم (آ ج کی حکایت)

(غیر جنس)

ایک چوہا اور مینڈک بڑے پکے دوست تھے بلکہ پگڑی بدل بھائی بن گئےان کی گہری دوستی کو دیکھ کر دیکھنے والے کہتے تھے وہ دو قالب اور ایک جان ہیں وہ ہر وقت اکٹھا  گزارتےاور ایک لمحہ بھی جدائی برداشت نہ کرتے

ایک چوہے نے کہا بھائی مینڈک جب تم پانی میں چلے جاتے ہو میں کنارے پر کھڑا تمہارا انتظار کرتا رہتا ہوں اور تجھے بلاتا رہتا ہوں مگر میری آواز تم تک نہیں پہنچتی میرا چلاتے چلاتے گلا بیٹھ جاتا ہے ۔جب تیری طرف سے کوئی جواب نہیں آتا تو میری جان کو بڑا عذاب ہوتا ہے۔مجھے ایک ترکیب سوجھی ہےاگر تو بھی اسے پسند کرےوہ یہ ہے کہ کوئی ایسی چیز مل جائے جس کے سرے پر میری ٹانگ بندی ہو اور دوسرے سرے پر تمہاری ٹانگ۔جب میں ملنا چاہوں تو زرا سا اسے کھینچ دوں تو توُ اشارہ پا کر باہر نکل آئے

مینڈک نے کہا یہ تجویذ معقول ہے۔ سامنے جولاہے کا گھر ہے اس کے تانے سے ایک لمبا سا تان کاٹ لا۔اس سے ہم اپنی ایک ایک ٹانگ باندھ لیں گے چوہا فوراً دوڑ گیا اور وہاں سے ایک تار لے آیا۔دونوں نے ٹانگیں باندھ لیں ۔چوہا بل میں گس گیا اور مینڈک پانی میں چلا گیا۔

ایک کوا یہ سب ماجرا دیکھ رہا تھا اور کہنے لگا خوب مال  ہاتھ لگا ہےوہ فوراً لپکا اور تار کو چونچ میں لے کر اوپر کو اُڑااس سے دونوں اپنی اپنی جگہ سے کھینچے چلے آئے دیکھنے والے تعجب کرتے تھے کہ کوے نے مینڈک کو کیسےپانی سے نکال لیا ایک دانا آدمی پاس کھڑا تھاکہا یارو اس کو غیر جنس کی صحبت لے ڈوبی پانی میں رہنے والے نے خشکی پر رہنے والے کے ساتھ یارانہ لگایا۔نتیجہ یہ ہوا کہ دونوں جان گنوا بیٹھے۔اب کوا دونوں کو نوچ نوچ کر کھانے لگااس حکایت سے یہ سبق حاصل کرو کہ غیر جنس کی صحبت  ہمشہ ہلاکت اور نقصان کا موجب ہوتی ہے۔